相信有讀過中史嘅史友都知道，喺秦始皇統一六國之後，首當其衝要做 嘅第一件事就係統一全國嘅度量衡。喺佢做呢個舉動之前，其實唔同國家之間度量衡嘅不一都造成唔少問題，就好似齊國嘅一尺去到秦國可能就等同三尺，唔單止對貿易、甚至對日常交流都有唔少問題。咁同樣嘅問題嚟到現代，到底喺三國時期關羽身長九尺嘅「九尺」，又等同依家嘅幾高呢？

本來呢條問題唔搵到關羽嘅遺骸都冇辦法答到，之不過喺上世紀七十年代，就喺廣西發現到一座漢代古墓，正正就係關羽墓所在之處。墓中除咗有遺骸以及其他銅器陪葬品之外，其實仲有一把木尺。呢把木尺為考古團隊提供一個重要指標，表明喺秦以後嘅西漢，一尺就等同24厘米，而九尺換算返亦即係關羽身高超過2米，真係犀利！

原圖嚟自網絡