相信提起華羅庚呢個名，史友們都知道佢係中國近代一位相當出色嘅數學家。佢出生喺1910年一個商販家庭，因為生計問題喺初中畢業之後就需要返到屋企打理雜貨店，但佢並冇就此放棄讀書，反而以5年時間完成高中去到大學全部數學課程。可惜天意總係弄人，喺18歲嘅時候佢就因為傷寒而大病一場，甚至仲左腳因此殘疾。但佢嘅數學之路並冇就此結束，佢先喺1930年被熊慶來教授請到清華大學工作，繼而完成埋所有數學系課程。甚至後來仲成為埋微積分講師、去到英國劍橋大學進修，並且不斷解決數學難題，美國普林斯頓大學、美國伊利諾依大學都爭住要佢。

經常都提到華羅庚係一個天才，咁佢到底有幾犀利呢？喺1965年蘇聯喺太平洋周圍劃出一塊區域計畫進行洲際導彈試射，為咗可以炫耀自己，甚至仲廣泛宣傳。而華羅庚僅憑一條新聞上嘅曲線四邊形進行驗算，最終精准地計算出蘇聯導彈基地位置就喺烏拉爾山區，甚至還得知導彈飛行速度以及行駛方向，而呢份情報美國間諜用盡方法都想得到！

原圖嚟自網絡