繼續同史友們介紹一啲有趣嘅歷史事件，喺皇家之中帝王嘅一舉一動都好容易受到其他人嘅猜測，因為早過其他人知道帝王嘅諗法就可以早一步先機做任何事。而喺「康雍乾盛世」當中，雍正就曾經做過一個舉動令到眾人都知道佢將會傳位畀弘曆，今次阿史就同大家講一講啦！

其實喺當時，雍正就有三個可以成為接班人嘅仔，分別係弘時、弘曆、弘晝，之不過雖然話就話三個都有可能，但佢心入面一早就已經有既定人選。喺雍正元年正月十一，佢就帶領百官前往天壇祭祀，而喺祭祀完畢後佢就將當時用到嘅肉分咗一塊畀弘曆食，就係呢個舉動令到眾人都知道佢想傳位畀弘曆，到底點解呢？

原來古時祭祀神仙嘅肉都係叫做胙肉，當祭祀完後，皇上就會將似分畀親人或者睇重嘅人品嘗，呢個傳統一直都喺清朝流傳。所以，假如有邊位皇子可以食到呢塊肉，亦都意咪住有機會「踐胙」，亦即係登基咁解！

原圖嚟自網絡