繼續同史友們介紹世界各地嘅一啲考古發現，關於腓尼基嘅遺址相信唔少史友都知道多數都係位於海邊，之不過近日西班牙南部塞維亞省就有工人喺進行供水系統工程果陣，意外挖出2500年前腓尼基人8個墓穴，可以話係絕無僅有嘅發現。

據了解，呢個「史無前例」嘅發現當中，係有保存完好石灰岩地下墓穴、樓梯、中庭區域。考古團隊就認為，呢啲腓尼基墓地可追溯到公元前4世紀或公元前5世紀，係伊比利半島（Iberian peninsula）腓尼基人（Phoenicians）安葬遺體之處。腓尼基遺址發現地點往往都係沿海地區，而現今世上唯一類似嘅考古發現就只有西班牙加的斯（Cádiz）海岸地區，所以呢次發現真係相當難得！

原圖嚟自網絡