繼續同史友們介紹一啲成日都聽見，但又唔知係咩意思嘅說話。喺老一輩口中，經常都流傳住一句「有福之人有三寡」，之不過明明用到「寡」呢個詞嚟形容都唔係咩好事，咁到底呢三寡又係咩呢？

首先第一寡就係「寡言」。就咁聽史友們可能覺得係會用嚟形容人沉默寡言，同有福好似點都扯唔上。之不過呢度所指嘅「寡言」唔係指人不言不語，而係做到謹言慎行，唔會亂咁得罪人！至於第二寡就係「寡行」，呢度所指嘅「寡行」並唔係邊度都唔去又或者咩都唔做，而係睇準一件事專心做好！而最後一寡就係「寡慾」，同樣地呢度所指嘅寡慾並唔係完全冇慾望，而係減少不必要嘅慾望，維持人嘅本性。所以，如果可以做到呢三點，咁人就唔會到處得罪人、好高騖遠，福氣就自然嚟！

原圖嚟自網絡