喺形容他人負債好多無法償還之時,我哋都會用到「債台高築」呢個詞,之不過唔知史友們有冇諗過呢個詞嘅起源竟然係同一個帝王有關呢?

喺公元前256年,當時秦國大舉入侵韓國並且好快取下陽城,而秦國大軍亦都逼近當時周赧王所居嘅王城。當時周赧王並唔知道點樣應對,而咁岩楚國就派咗使者獻計,大概就係話如今秦國咁強大,好難單靠一個國家對抗,所以需要以周天子之名召集六國聯合攻秦。

於是,周赧王草詔令,分發六國,約定時間一齊攻秦。之不過,其實當時周天子只係得返好少土地,最於只係召集到幾千人,而且仲要唔夠錢去畀軍費。當時周天子就向國內富商借錢並表明滅秦之後會連本帶利還錢。但去到約定之日,只係得楚燕兩國到場,抗秦一事亦都就此取消,而秦國亦都得知呢個消息,打到王城之後就將周赧王趕到伊闕南邊。一眾債主後來就去到新城搵赧王討債,赧王無法招架就入到一個高台之上唔出嚟,呢個台後來就被稱為「逃債台」、「避債台」,「債台高築」就係咁樣嚟喇!

原圖嚟自網絡