星期日點解唔叫星期七？

繼續同史友們解答一啲歷史謎題，一星期有七日，而順序數落去其實都有星期一至六，但點解零零舍舍去到第七日又會叫做星期日又唔叫做星期七呢？今次阿史就同大家講一講啦！

其實一星期最後一日之所以叫做「星期日」，係因為聖經當中講到耶穌係喺一周入面嘅第七日復活升天，所以呢一日就被認為為禮拜日、安息日，唔少國家喺呢一日都會係休息日等教徒可以到教堂做禮拜。咁點解呢個西方嘅概念又會傳到嚟中國呢？

原來喺1905年果陣，有過千年歷史嘅科舉制度就被廢除，咁但係教育呢件事係唔會暫停。當時清政府就成立咗一個中央教育行政機構，由袁嘉谷負責籌建編譯圖書局。之不過喺從事呢件事嘅時候，就發現無論係寫書定係翻譯都面對一個問題，就係名詞術語都未能統一。所以當時就有一個新機構名負責統一呢啲詞彙，七日一周喺古代就係以七曜區分，為咗讀起上嚟順口，「七曜」就被改為「星期」，而星期日原本就叫做「日曜日」，亦都一同改為叫做「星期日」，成個叫法就係咁樣嚟喇！