今日係二十四節氣當中立夏嘅日子，傳統上嚟講立夏呢一日就象徵住告別春季、迎接夏季，而且雷雨、梅雨亦都會相繼出現，農作物亦都開始繁衍。喺呢一日，其實我哋係有兩個好特別嘅習俗要做，今次阿史就同大家講一講啦！

首先第一個習俗就叫做「秤人」，傳統上嚟講大家都會喺村口掛起一杆大木秤，等每個人都輪流去秤人，一邊秤仲會一邊講啲吉利說話。而另一個習俗就係「斗蛋」。正所謂「立夏胸掛蛋，孩子不疰夏」，咁家中嘅小朋友其實就先會喺心口或者屋企掛返幾隻蛋，亦即係立夏蛋。咁喺拎到呢啲蛋之後並唔係即時食，而係先斗一斗，幾隻斗之間互相敲擊直到分出勝負，勝者就叫做「大王」、敗者就叫「小王」，古人就相信呢啲風俗都可以令大家度過一個健康嘅夏天。

原圖嚟自網絡