喺古代四大美人當中，出生喺平民百姓家嘅王昭君喺文人墨客筆下都系被描繪成擁有傾國傾城嘅美貌。乳名「皓月」嘅佢自幼精通音律、琴棋書畫，好快就被當地官府將王昭君進獻咗畀漢元帝。雖然有住美貌，但喺深宮之中冇顯赫家世並唔系咁易生存，之不過改變嘅時機好快就到。

匈奴呼韓邪單于親自入宮要求同漢朝和親，當時匈奴所在嘅邊塞風沙不斷，加上同漢人嘅文化唔同，所以皇帝唔會捨得將真正嘅公主遠嫁，人選自然就系喺後宮之中選擇。喺後宮人選當中，王昭君就被呼韓邪單于一眼相中，雖然漢元帝心中好後悔，但最終都只可以遵從呢個決定。

喺王昭君嫁到匈奴後，其實同呢位匈奴人有過快樂嘅日子，但冇幾耐單于去世後，王昭君就要按照匈奴傳統嫁畀之後兩任嘅王。心入面相當抗拒呢種傳統嘅王昭君別無他選，只能鬱鬱而終。而喺佢去世之後，佢基本上無冇辦法返到中原，而按匈奴人傳統，親人離世後，後人都會以刀喺佢面上劃痕、割耳仔以表忠誠同埋哀悼，亦即系「剺面截耳」，真系令人痛惜啊！

原圖嚟自網路