《沁園春·雪》呢首知名作品相信唔少史友都必定聽過，亦都知道係佢毛澤東喺1936年喺陝西之時所作，但亦都有個講法係指《沁園春·雪》係胡喬木代毛澤東寫嘅？咁到底事實又係點呢？今次阿史就同大家講一講啦！
喺創作呢首作品之時，歷史背景其實就係中國共產黨召開瓦窯堡會議，制定抗日民族統一戰線，並且即將東渡黃河開赴河北同日軍作戰，當時天空就下起一場大雪，毛澤東被周圍壯闊雪景深深感染而寫落呢首作品，後來呢首作品亦都喺抗日戰爭勝利之時送咗畀當時知名詞人柳亞子，並且喺全國廣傳。
之不過，呢首作品瘋傳之下，由於抗日戰爭之後嘅局勢發展，蔣介石對呢件事就大為緊張，亦都周圍派人一探虛實，仲嘗試去搵一啲「證據」批評、推翻呢件事。而冇幾耐，就有個講法指出《沁園春·雪》係胡喬木代毛澤東寫嘅，之不過後來胡喬木後人就表明父親根本冇參加長征，亦都對舊體詩詞唔熟，所以根本冇可能寫到咁有氣勢嘅作品，唔知史友們又點睇呢？
原圖嚟自網絡