繼續同史友們介紹一啲經常都聽見，但又唔太瞭解嘅地名。河南、河北、湖南、湖北呢啲地方名相信唔少史友都必定聽過，之不過唔少史友們又有冇諗到，到底河南、河北當中嘅「河」係指邊條，湖南、湖北又係邊個「湖」呢？今次阿史就同大家講一講啦！

先講河北、河南呢兩個地方，由於兩個地方嘅地理位置係位於河嘅北方同南方，所以先有呢種叫法，而當中所講嘅河喺廣義上嚟講自然係指黃河。而如果再詳細去睇，河南河北嘅分界線實際係更加仔細，係一條名為漳河嘅河。呢條河上游發源於山西長治，下游作為界河劃分河北省與河南兩省邊界，所以河南河北亦都可以喺漳河呢度作為理解。

至於湖南湖北都係同樣道理，分別係位於湖嘅南方同埋北方，當中所指嘅湖就係洞庭湖喇！由於洞庭湖跨湘鄂兩省，它北連長江、南接湘、資、沅、酆四水，八百里洞庭自然就會分隔開好多土地，湖南湖北亦都係咁樣嚟！

原圖嚟自網絡