呢個世界真係無奇不有，最近荃灣有位豬肉佬，因為有型靚仔搞到有一大堆粉絲，咁多師奶支持睇怕佢生意唔憂。
今時今日响街市做豬肉佬搵到錢相信大家都應該會估到（先排除佢哋唔賭錢），其實响古代做豬肉佬唔單止發，社會地位仲唔低。响古代中國，雖然社會階層係以士農工商作分層，但提供豬肉嘅屠戶就界乎農同商之間，更重要嘅係，古代能夠食肉嘅都係富貴人家達官貴人，所以屠戶自然係搵到個錢。當然！屠戶除咗氣力要大，劏豬殺豬手法都要有番咁上下，真係唔係人人都可以入到行。
其實响古代歷史中，都有唔少名人係屠戶出身，好似春秋刺客專諸，漢初樊噲，東漢末何進等，可能殺豬牛羊多，氣力夠大卦。
原圖：《國產凌凌漆》劇照