繼續同史友們介紹一啲古代嘅新奇職業，喺唔少宮廷劇當中，皇子身邊除咗有太監、宮女之外，其實仲會有一個好特別嘅人物，呢個人物正正就係皇室奶媽。就咁聽可能史友們覺得呢個職業只係餵下奶咁冇乜特別，但其實佢嘅出現係有重要嘅考量！
喺古代，雖然皇子基本上都有自己親生嘅阿媽，但點解又要額外再搵一個奶媽呢？除咗係因為存住奶水不足嘅問題之外，其實仲有一個重大原因。喺古代要成為一個皇室嘅奶媽，其實係要滿足唔少條件，就好似年齡要喺15歲至20歲之間、生完仔三個月以後、身體要健康而且仲需要學習好多禮儀，入到宮之後甚至連飲食都有好多嚴格要求，所以真係唔係咁易做！
而之所以要咁就，其實就係因為古代皇上驚後宮當中嘅女子生完皇子之後權力過大、左右朝政，於是一般都唔會畀親母照顧自己嘅仔，而係交由奶媽照顧，咁樣就可以令到皇子長大之後唔容易受到自己嘅母親影響。
原圖嚟自網絡