阿史又繼續介紹中國地名故事喇！廣東北部就同江西省連接，咁江西嘅江又係指邊條江呢？
江西省位於中國東南部地區，之所以叫江西當然係同一條江有關。咁係邊條江呢？就係贛江喇！贛江係為長江支流，亦係江西省境內最大河流，自南向北縱貫全境。根據《山海經》所載，「海內東經」：「贛水出聶都山，東北流，入彭澤西也。」贛水亦即係贛江舊稱。
話時話，史友們都應該聽過「江東父老」呢句話，咁呢個「江東」同「江西」又有無關係呢？答案係無。「江東父老」呢個講法係嚟自項羽生前嘅話語，佢最初起兵於會稽，呢個地方係响長江下游以東地區，所以佢口中「江東」就同上文提及嘅「江西」，係無乜關係。
原圖嚟自網絡