隨住俄烏戰爭嘅展開,西方多個都相繼作出唔少「制裁手段」,而其中一個手段就真係幾令人驚奇,就係麥當勞宣布「永久退出俄羅斯」。

其實早喺3月嘅時候,麥當勞就已經開始關閉喺俄羅斯嘅850間分店,只係估唔到最終都會決定退出俄羅斯嘅市場,而呢個決定亦都令到唔少人認為,俄羅斯同美國嘅國際關係又再次惡化喇!

咁點解會有呢個講法呢?又係同俄羅斯麥當勞有關喇!原來喺上世紀 90年代,第一間麥當勞先至正式喺莫斯科開業,當時吸引超過30,000人大排長龍。而對當時蘇聯嚟講,畀被視為「美國資本主義象徵」嘅麥當勞入到自己國家係相當大膽,亦係對當時西方品牌採取開放經濟嘅一個重要時期。對長達幾十年意識形態對立嘅兩個國家而言,其實一間麥當勞嘅出現亦都象徵美蘇冷戰破冰。咁所以,麥當勞退出俄羅斯自然就會有唔少揣測出現!

原圖嚟自網絡