喺提到有醫者行醫救人嘅時候，好多時候我哋都會用到「懸壺濟世」呢個詞，之不過點解救人行醫會同「懸壺有關」？今次阿史就同大家講一講啦！
關於「懸壺濟世」呢個故事，其中一個最經典嘅講法就係出自《後漢書‧費長房傳》。相傳喺東漢時間，有個名為費長房嘅人一直都好想學習醫術行醫救人。有一次，佢喺街上見到一個賣藥嘅老人，周圍嘅人都盛讚佢醫術高明，凡係食過佢藥嘅人都可以順利好返。聽到呢到，費長房就想拜佢為師學習醫術。
之不過，當費長房嘗試接觸佢之時，呢位老人家就化作一道煙入咗客棧嘅一個葫蘆。費長房自然知道老人家唔簡單，更加決心想拜佢為師。其後，費長房就喺近葫蘆嘅位置準備咗一場宴席恭侯老人家，結果老人家好快就跳咗出嚟。眼見費長房一心想學習醫術，老人家亦都決定教授畀佢。好快，費長房就學有所成，而老人家亦都放心去雲遊四方，為咗紀念呢件事，費長房就將一個葫蘆掛喺身，呢個就係「懸壺濟世」嘅起源喇！
原圖嚟自網絡