東鐵線過海路段通車，呢幾日成為城中唔少人熱議話題，當中其中一個討論就係東鐵仲應唔應該保留頭等車廂，因為東鐵列車由十二卡變成九卡，列車載客量減少情況下仲要保留頭等車廂就好似有啲講唔過。
保留頭等車廂自然唔係阿史想討論嘅話題，而係想講講九廣鐵路點解會有頭等車廂呢？依家行走九龍至新界嘅東鐵線路段，以往係九廣鐵路英段，當時嘅列車就有分唔同等級嘅車廂，一等就貴啲舒服啲，三等就平啲坐得辛苦啲，二等就介乎兩者中間。唔難得睇出，一等車廂主要乘客係啲有錢權貴，三等就係普通市民。據了解有一等車廂出現主要有兩個原因，一個係歐洲個邊啲火車係咁樣分等級，另一個原因就係當時新界部分地區係外國人度假地方，所以就有呢個安排。到咗電氣化時代，九鐵列車保留咗頭等車廂呢個安排，原因係成個車程太耐，所以就為乘客提供多一個選擇，俾多啲錢可以坐得舒適啲。
原圖嚟自網絡