之前阿史都講咗唔少明太祖朱元璋和明成祖朱棣嘅故事,今次就想講講明代嘅一位出名嘅仁君,佢就係明仁宗朱高熾。
明仁宗係明成祖嘅嫡長子,一直為朱棣所器重,後嚟做咗皇帝就同佢佢個仔明宣宗朱瞻基統治時期稱為仁宣之治,亦係明代一個盛世。之不過,其實明仁宗做皇帝都唔夠兩年,咁點解佢會被後世人稱為仁君呢?其實响佢做太子個陣,已經展現出帝皇之才,明成祖屢次北伐,均命其擔任監國,所以實際上佢係一個「皇帝」執行官。而佢本身都係宅心仁厚,即使佢兄弟為咗帝位而陷害佢,佢最後都向朱棣求情。而佢登基後,褒獎直言,虛懷納諫,減輕刑法,又赦免建文帝舊臣同永樂朝時遭連坐流放邊境嘅官員家屬。所以,即使佢做皇帝做咗唔係好耐,但佢嘅仁德令到佢為後世敬仰。
原圖嚟自網絡