喺清人入關以嚟，經歷康熙、雍正、乾隆三位皇帝嘅勵精圖治下，清朝好快就迎嚟康乾盛世，從康熙中期到乾隆中期經濟繁榮。之不過去到後來，清朝集權統治不斷衰落，可能史友們都有個問題，就係點解喺清朝最後一次「中興」並唔能夠祆返呢個皇朝呢？今次阿史就同大家講一講啦！
所謂嘅「中興」其實就係帝國經歷盛世之後，衰敗完再崛起嘅一個階段，而清朝就出現過一場承前啟後國家改革——同治中興。其實喺經歷完第二次鴉片戰爭、太平天國運動後，清朝既簽訂《北京條約》割地賠款對內平定太平天國等四場運動，喺外界睇落好似已經就快滅亡，但其實就係剛好應對曬對外以及對內嘅問題。
喺同治中興1862年到1874年，其實係開創咗中國最早工業，實施「洋務運動」、提倡「中學為本，西學為用」；而喺政治上確實亦都開始重用曾國藩、左宗棠這些漢族重臣。之不過，呢兩樣嘅改變既唔能夠解決制度腐敗同埋改變思想，「洋務運動」最終都淪為大量財物流入貪腐者手中，同治中興由根本上嚟講並冇令到清朝進步。
原圖嚟自網絡