喺今時今日睇嚟，崇禎皇帝殺咗袁崇煥似乎係一個錯誤，之不過喺面對住咄咄逼人嘅努爾哈赤軍隊，崇禎皇帝仍然要選擇殺死堪稱中流砥柱嘅袁崇煥呢？今史今次就同大家講一講啦！
袁崇煥喺天啟六年出任遼東巡撫、鎮守寧遠，即使喺孤立無援嘅情況下，喺寧遠之戰仍然可以迫使努爾哈赤退兵，亦都喺屢戰屢敗嘅遼東戰局作出一啲轉變，先後挫敗努爾哈赤、皇太極，甚至令天啟皇帝都表示「十年積弱，一旦挫其狂鋒」。
喺佢被魏忠賢唆使黨羽上疏彈劾迫使辭官後，崇禎皇帝即位重新起用袁崇煥為都察院右都禦史兼兵部添注左侍郎，希望可以喺遼東力挽狂瀾「五年復遼」。明明崇禎皇帝對佢寄予厚望，點解又會殺死袁崇煥呢？
原來喺後來當眾人回望返袁崇煥喺朝中講嘅豪言之後，袁崇煥先係擅殺東江總兵毛文龍；繼而後金軍大舉南下引發「己巳之變」，十萬皇太極隊突破喜峰口以西、不日即可威脅京都。而當時袁崇煥雖然已經派遣總兵趙率教前往救援，但佢自己就選擇跟躡而唔係搶前阻擊，甚至仲冇喺薊州至通州一線展開作戰，反而退保京城，將戰火引到京城外圍。
以上嘅種種，喺崇禎皇帝以及北京城外戚畹中貴睇嚟就係有謀反嘅可能，再加上皇太極巧施離間計，散佈謠言，崇禎皇帝就必然要殺袁崇煥。
原圖嚟自網絡