之前阿史介紹過清代雍正皇帝同呂四娘嘅民間傳說，而呢個傳說仲話雍正因為無咗個頭。不過咁，雍正個頭係咪完完整整連埋個屍身响陵墓長眠呢？今時今日都無答案，因為都無人入過去。
雍正皇帝埋葬之地為清西陵嘅清泰陵，清西陵位於河北省易縣。清東陵响民國時期被盜相信史友們都聽過，不過清西陵就無被大規模被盜（當然仍有部份陵墓被盜），至於清泰陵無被人盜，有學者指因為雍正本身係一個勤政節儉之人，加上佢本身信佛，以佢相對寡慾嘅性格估計陪葬都唔會有太多金銀珍寶。呢個推算唔係無道理，但更多人認為無人盜清泰陵純粹係因為「攻唔入」。响上世紀八十年代初，泰陵月牙城壁前右下角被發現一個盜洞，而挖到地宮前第一道屏障金剛牆時盜洞就消失咗，即係盜墓者攻破唔到防盜機關。