喺西元1618年嘅一日，努爾哈赤召集八旗首領舉行咗一場誓師大會，喺會上佢唔單止公佈咗自己同明朝之間嘅「七大恨」，並且表明將會發動一場影響明朝國運嘅戰爭，亦即係後來嘅薩爾滸之戰。
喺誓師大會之後，努爾哈赤急不及待率領二萬人物劍指撫順，而當時連年受戰火困擾嘅明朝國力下降，軍隊內更加軍心不齊，面對呢支咄咄逼人嘅軍隊，可以話係近乎一戰定生死。戰事以努爾哈赤勸降明軍守將李永芳，俘獲大明人口、牲畜，焚毀撫順城作為開始。
經過一輪調兵遣將，楊鎬先至艱難集結十萬大軍到遼東討伐後金，而當時努爾哈赤僅有6萬人馬，人數上係存在優勢。之不過，當時楊鎬就作出咗一個影響戰局嘅決定，就係由「兵分四路」：當時十萬大軍係分為中路左翼由山海關總兵杜松統領，中路右翼則是遼東總兵李如柏，北路是開原總兵馬林，南路是遼陽總兵劉鋌，而楊鎬則坐鎮瀋陽。
得知呢一點係，努爾哈赤就決定唔同明軍正面對決，反而係以機動靈活應對四路大軍。佢得知杜松係身經百戰，但佢衰在搶功心切，喺兵分四路之下自行再分兵留守薩爾滸，自己就帶隊去攻打後金界藩城，就係咁由佢率領嘅明軍主力連同大批先進火器就被消滅咗喇！
杜松戰死後，本身喺北路嘅馬林係最接近薩爾滸，雖然佢已經即時轉攻為守，依山為據，但成功被努爾哈赤識破神機營火器嘅破綻，以後金軍騎兵成攻打敗北路軍隊。
馬林艋敗之後，兩路軍隊都隨即停止進軍，中路右翼遼東總兵李如柏更加爆發人踩人事件，第三路大軍「不戰而潰」。而最後嘅南路軍最善戰，本身已經連破後金軍幾個營寨，但最後就被努爾哈赤派出嘅明軍降卒冒充杜松部下送信，通知火速朝赫圖阿拉城進軍，喺路途中就被帶到險道含恨而死。
短短五日時間，十萬明軍死傷過半，文官武將紛紛戰死，一場決定國運嘅戰爭就咁告終。
原圖嚟自網絡