雖然端午節喺幾日前就已經過去，但相信唔少史友屋企嘅粽食到今日都未必食完，咁唔知大家屋企嘅粽同圖中嘅呢款有冇幾分相似呢？如果有都真係唔出奇，事關圖中嘅物體其實就係世界最古老粽子實物！到底佢有咩來頭？阿史今次就同大家講一講啦！
喺江西德安縣博物館就收藏住一對嚟自七百幾年前南宋嘅粽子實物，唔單止係我國最古老、甚至仲係世界考古目前最古老嘅粽子實物。呢對菱角形嘅粽子長6cm、寬3cm，表面就係粽葉以天然蘆葦葉麻線捆紮。咁保存得咁完整嘅粽子又係點嚟呢？
原來喺1988年當考古隊對桃園山南宋周氏墓進行考古發掘嘅時候，就意外喺墓中發現墓主人周氏手持一枝長40cm嘅桃枝，上面就有兩個粽子。相傳粽子喺春秋時期出現，最初就係用嚟祭祀祖先，去到晉代先至成為節慶食品，但當中一直帶有祭奠之意，所以放入棺木當中都有親屬對逝者表達哀掉嘅意思。
原圖嚟自網絡