喺提起偽滿洲國時期嘅「溥儀」，相信唔少史友腦海當中都會浮現「傀儡皇帝」四個字，之不過話晒都叫做「皇帝」，完全冇權力又未必令人相信。咁到底史實係點呢？阿史今次就同大家講一講啦！
喺九一八事變後，末代皇帝溥儀喺日本人扶植之下就成為咗偽滿洲國「傀儡皇帝」，咁到底呢個「傀儡皇帝」有幾大實權呢？對於一個傀儡嚟講，可能大家都會認為大大小小嘅事務都由日本影響以及控制，但原來呢個正正就係巧妙之處，事關偽滿洲國同當時嘅日本就好似兩個國家咁樣運作，照樣係有互派大使館，而溥儀當時就被塑造到好似一個國家元首咁，曾經先後兩次訪問日本，仲受過天皇接待。
而喺當時世界上，其實係有23個國家承認偽滿洲國嘅存在，而溥儀自己雖然受到日本人限制，但佢亦都嘗試過「勵精圖治」，例如不斷嘗試奪取制定官制、任命官吏權力、企圖改組內閣、甚至仲成立自己嘅禁衛軍，親自選妃等等，皇帝嘅基本生活都仍然係有嘅。
之不過，就算當時溥儀有冇野心，想點樣從日本人手中奪取權力都好，喺偽滿洲國當中佢並冇任何實權，只係日本人嘅橡皮圖章。
原圖嚟自網絡