相信唔少史友見過一旦有咩水庫、水塘乾旱，好大機會都會喺湖底搵到重要嘅文物，而近日呢件究就喺伊拉克發生，之不過所搵到嘅唔單止係文物，仲要係一座古城！
伊拉克南部接連幾個月都受到嚴重乾旱影響，為咗可能保護當地嘅農作物，當局就不惜由伊拉克最重要嘅水庫摩蘇爾大壩中引水。亦都因為呢個舉動，持續嘅水位降低令到一座被淹沒多年嘅古城重現！
據德國考古學家普爾吉茲以及庫爾德考古組織主任卡西姆博士發掘之下，就喺呢個地方搵到一座3,400年歷史嘅古城。雖然古城長年都被水淹沒，但竟然仲搵到保存完整嘅圍牆、塔樓、宮殿以及多個多層嘅倉庫式建築。
呢啲發現亦都印證，其實古城當時係控制晒周邊嘅地區，極有可能就係米坦尼帝國之下嘅古扎奇庫（Zachiku）。而更重要嘅係，喺古城當中仲搵到陶罐以及100多塊楔形文字板，有助了解米坦尼王國甚少記載嘅歷史，真係犀利！
原圖嚟自網絡