喺提到古代寒門可以點樣改變自己嘅命運，好多時候嘅途徑就只有通過科舉。而要喺呢個全國仕子都參與嘅科舉考試當中高中絕對係一件困難嘅事，咁到底同依家嘅學歷相比，古代嘅秀才進士又相當於咩學歷呢？今次阿史就同大家講一講啦！
簡單嚟講，童生考過院試就係秀才、秀才考過鄉試就係舉人、而舉人考過殿試就係進士，但其實佢哋每個階段嘅地位都係唔簡單！先講講秀才，成為秀才之後，其實唔單止唔需要交賦稅、唔使服徭役，甚至成績較好嘅秀才仲可以得保證衣食無憂，大概嘅比例就係萬五人當中只有一人，如果話佢等同碩士其實都唔過份。
而喺秀才當中比較出色嘅就會被舉薦到國子監讀書，亦即係等同古代最高嘅官學，畢業之後就可以從事七品以下嘅官職；而假如秀才通過鄉試成為舉人，就等同有咗做官嘅資格，學歷上就已經可以話等同博士。而再往上去，舉人通過殿試就會成為分成三甲嘅進士。要成為舉人就已經相當困難，大概就只有4%嘅考生可以做到，而要做到進士更加就係難上加難，單係靠現今嘅學歷已經無法比較喇！唔知史友們又點睇呢？
原圖嚟自網絡