北京故宮，係明清兩代嘅皇家宮殿，喺呢個佔地面積達到72萬平方米嘅宮殿歷時十四年建成，大小宮殿70幾座、房屋嘅總數仲多達9000幾間。本來有咁樣嘅面積同資源，故宮本應係咩設施都應有盡有，但估唔到嘅係，原來故宮入面係冇廁所嘅？到底呢個講法係真係假，阿史今次就同大家講一講啦！
其實呢個講法都真係屬實，故宮作為皇家居住嘅重要場所，係皇帝生活、工作同埋居住嘅地方，自然就唔容許「香味撲鼻」嘅廁所存在於宮中。之不過，人又真係有呢個生理需要需要解決，唔增設廁所又可以點樣處理呢個問題呢？答案就係「淨房」喇！
「淨房」並唔係廁所，而係擺放各種便器嘅地方，一般嘅宮女同太監如果內急之時，都會嚟到便器拎「恭桶」、「便盆」解決，當中就會有炭灰、草木灰以及一啲香料去掩蓋臭味，繼而再放入收集排泄物嘅便車當中，咁樣相對上嚟講就冇咁大味。至於如果皇家成員要方便，就會用到官房當中嘅便盆，使用上唔會有太大分別，但材質就係用到名貴木材紫檀木、黃花梨等製作而成，去個廁所都威風過人。
原圖嚟自網絡