亞馬遜叢林係咪有一個「失落之城」，一直以嚟唔單止係考古學界想解開嘅一個難題，甚至以往仲有英國探險家Percy Fawcett多次深入探索，為嘅就係搵出呢個佢認為存在嘅地方。而呢段經歷後來亦都成為小說《失落的世界》以及被拍成電影。咁到底呢個「失落之城」存唔存呢？近日科學界就有發現喇！
近日就有科學家團隊喺《自然》刊物上發表咗一項發現，指出亞馬遜地區可能真係曾經存在過古城！喺以前嘅研究當中，就已經指出過亞馬遜叢林Casarabe Culture區曾經就有人類聚居，以往通過遙感以及實地勘察就發現，呢個喺公元 500 年到公元 1400 年存在嘅地方曾經係有有運河，有堤道，但對於主要嘅遺址就一直都搵唔到！
為咗解開呢個疑問，科學家就以直升機喺高空用到雷射雷達對當中六個區域進行測繪，喺雷達穿過樹木之後，就發現兩個大型定居點Cotoca以及Landívar，當中頂部係有階梯式平台、矩形平台土墩、錐形金字塔狀建築，附近仲有護城河、城牆防禦。到底呢兩個地方曾經發生過咩事而變成荒蕪？就有待進一步考古發現先知喇！
原圖嚟自網絡