繼續同史友們介紹我國最新嘅一啲考古發現,其實早喺2014年我國就已經喺山西省襄汾縣陶寺村發現到過千座嘅墓葬,當中唔少都係周朝、戰國時期嘅古墓。咁到底當中有咩重大發現呢?近日考古團隊就有新發現公布,阿史就同大家講一講啦!
早年陶寺村嘅居民其實不時喺農耕時搵到一啲陶器嘅碎片,當時佢哋並唔係呢啲發現係代表咩,但呢個舉動就令到唔少盜墓賊意識到,其實地底必然係會有重大嘅發現。結果喺盜墓賊連夜開挖之下,當時村落就出唔少盜洞,隨即就引嚟博物館關注並且進行保護。
喺經過考古學家2014至2015年間嘅發掘,一共就搵到1283座墓葬,西北部範圍就多數係周朝時期,而東南部就係屬於戰國時期,足足橫跨咗五百幾年歷史。而喺呢啲墓葬當中,考古團隊就近日搵到一個春秋晚期嘅女貴族古墓。女貴族古墓並唔係話太罕見,罕見嘅點係在於當時大概30歲嘅墓主係懷有身孕,所以喺發掘之時係可以見到佢腹部有胎兒嘅頭骨,而且胎齡仲係達到8個月。至於女墓死因係咩就暫時未得知,但接陪葬嘅鉛錫器、玉石器、銅器等等,就可以得知佢身份係非常之高,憑墓中一組五件嘅列鼎判斷,佢理應係一位大夫嘅夫人。
原圖嚟自網絡