喺唔少宮廷劇當中，大家經常都會見到有妃子、宮女可能因為謀反事敗又或者受到冤屈而選擇「吞金自盡」。咁到底「吞金自盡」係吞啲咩「金」呢？古人又點解會揀呢種自盡方式呢？阿史今次就同大家講一講啦！
關於「吞金」呢個講法，哄實就係喺清代成書嘅《紅樓夢》有好詳細嘅講法，《第六十九回·弄小巧用借劍殺人 覺大限吞生金自逝》中就有提到尤二姐「恨命含淚」、「幾次狠命直脖，方咽了下去」。要去到呢種程度先可以吞服，亦都表明佢所吞嘅金並唔細，而佢第二日亦都屍身完整咁喺床上離世。
咁問題嚟喇，咁到底「吞金自盡」所吞嘅「生金」又係咪真係金呢？其實呢度所講嘅「生金」唔一定係真金，有指就係破碎嘅含金礦石、而《本草綱目·金石·金》亦有指「生金」就係「毒金即生金，出交廣山石內，赤而有大毒，殺人，煉十餘次，毒乃已」，所以亦即係重金屬咁解！
而喺古代，由於金砂未經冶煉，所以一旦人體吞服就會慢性中毒，嚴重嘅更會死亡。之不過，雖然理論上嚟講「吞金自盡」經過長時間以及大量吞服確實係可以實行，但成個過程就會令到胸腔、肺部、腸胃被劃破、腸道、消化道破裂，真係相當恐怖。
原圖嚟自網絡