响唔少三國作品（特別係遊戲）當中，曹丕之妻甄氏（後世人都稱佢為甄宓或甄姬）出現機率都相當高。對於呢位文昭甄皇后，後世唔少文學作品都有寫佢嘅故事，最出名就係佢同曹植曖曖昧昧，仲搞到曹丕要整死佢哋。咁事實又係咁呢？
根據《三國志‧魏書‧文昭甄皇后》，甄皇后咁無名字留世，佢本身係漢太保宓邯後人，父親係上蔡令甄逸，但响甄皇后三歲時就死咗。後嚟輾轉佢為袁紹之子袁熙所納，又嚟曹操大軍攻佔冀州鄴城，佢又話曹丕所納，之後得寵，仲生咗後嚟成為明帝嘅曹叡以及東鄉公主。好喇！咁甄氏之死係咪真係同曹丕有關呢？响陳壽所著嘅《三國志》當中就無記載，反而佢係同一個人有關，就係漢獻帝劉協。响公元220年，漢獻帝禪讓帝位俾曹丕，劉協退位成為山陽公，仲將兩個女許配俾曹丕，加上曹丕又寵幸郭貴嬪、李、陰兩位貴人，本來深得曹丕寵幸嘅甄氏日益失意，流露出怨恨嘅話語，結果曹丕就遣使者將甄氏賜死。
照咁睇，甄氏之死唔係因為同人搞曖昧，而係全因呷醋所致。
原圖：《大軍師司馬懿之軍師聯盟》劇照