現代嘅書法作品可能史友們都曾經睇過唔少，之不過喺古代文人都識用毛筆、寫書法嘅時代，一份試卷到底可以靚到咩程度呢？今次阿史就帶大家睇一睇啦！
今次阿史想同大家介紹嘅，其實係清朝最後一名狀元劉春霖嘅殿試考卷。劉春霖，字潤琴，佢出生喺一個農民，原本係冇機會讀書識字，但佢父親喺親戚幫忙之下成功去到衙門當差，咁樣先改變咗劉春霖嘅命運。而劉春霖自己亦都自小天資聰穎，深得老師嘅喜愛。
呢位清朝最後一位狀元就喺1904年7月4日參加咗中國歷史上最後一次科舉考試，而成功通過會試嘅就有273人，佢哋都可以一齊參加由皇帝主持嘅殿試。喺呢場考試當中，考題以皇帝名義提出時務策問，題長有300字，考生一般都係需要答上2000字，基本上都係要由朝上考到晚上。而喺考完殿試之後，慈禧太后其實係想喺試卷當中搵到一啲吉兆，當佢一見到呢份被命為第一嘅試卷，當場就被流利清秀字跡，暢順華麗嘅文詞驚艷，而且「春霖」呢個名亦都令慈禧對當時搖搖欲墜嘅清王朝懷有一絲希望。就係咁樣，劉春霖就成為歷史上最後一任狀元。
原圖嚟自網絡