古代唔少嘅刑罰都係相當殘酷，而其中一項就係死刑，但假如有一個機會畀死囚返鄉下過年，但過完年之後就會返到京城問斬，唔知史友們覺得有幾多人會返去呢？
喺貞觀六年公元（632年），唐太宗李世民就做咗一樣前無古人，後無來者嘅事，就係釋放牢獄中關押嘅390名死刑重犯，等佢哋可以回家過年並且約定年後問斬。聽到呢度，當時唔少大臣都擔心應該會出現好多逃犯，但無奈亦都只可以接李世民嘅想法行事。
之不過，去年後，結果其實真係無人諗過，呢390名死囚最後就算冇人監督之下都全部返回領死。據《新唐書•刑法志》記載「去歲所縱天下死囚凡三百九十人，無人督帥，皆如期自詣朝堂，無一人亡匿者。」呢個結果滿朝文武都冇諗過，但李世民就心中有數，呢個舉動既可以令果啲原本冇機會返鄉下過年嘅死囚有一個機會，同時亦都可以彰顯到李世民嘅仁慈，真係一舉多得！
原圖嚟自網絡