喺歷史上，任何朝代都會發生過帝王遇刺嘅事件，而呢啲事發生嘅原因部分都係因為帝王嘅施治引起民間嘅不滿而起。之不過，喺清朝年間就有位皇帝多次遇刺，而其中一次竟然係因為一個咁獨特嘅原因？阿史今次就同大家講一講啦！
阿史所講嘅呢位皇帝，其實就係號稱「清朝遇刺最多嘅皇帝」嘉慶皇帝喇！喺《清史稿·仁宗本紀》當中，其實就有記載到呢段遇刺經歷。喺嘉慶即位第八年，亦係仍遇到第一位刺客之時。呢位刺客名為陳德，佢曾經做過內務府嘅工作，所以熟悉宮內嘅運作，後來佢就去到一個富豪嘅家庭工作。之不過，陳德冇幾耐就被解雇，老婆又病故，八十歲嘅母親亦都臥床，仲有兩個兒子要養，生活相當艱苦。由於一家生活困難，陳德唔想寂寂無名咁死，於是就諗到一個令天下人都識佢嘅方法，就係行刺皇上喇！
喺1803年2月20日，熟悉宮內運作嘅陳德就帶住小刀入到宮中，趁住嘉慶帝經過神武門就直奔而去。在場過百位待衛都冇反應，當陳德靠近之時，就只有4位待衛前往阻止。呢次行刺令到嘉慶大怒，最終將陳德凌遲，一對兒子都被處死，八十歲嘅母親就被活活餓死。而呢次行刺，刺客嘅理由都真係令嘉慶無奈啊！
原圖嚟自網絡