以往阿史就同史友們介紹咗唔少三星堆遺址嘅考古發現,咁到底呢個被稱為「外星人文明」嘅遺址係咩來頭,又係屬於咩年代嘅呢?今次公布嘅隔段性成果終於有答案喇!
近日四川省文物考古研究院就召開咗三星堆博物館新聞發布會,當中就公布咗「考古中國」重大項目三星堆遺址考古發掘進行階段性成果。三星堆遺址祭祀區以及新發現六座「祭祀坑」喺經過四十家考古發掘以及近二百名考古學、歷史學、物理學、化學、古生物學等多個相關領域學者參與現場發掘之下,就解決咗好多多年爭議。
考古團隊就對近200個樣品進行碳14測年,當中唔少測年數據集中喺公元前1131年至1012年,而3號坑、4號坑、7號坑、8號坑埋藏年代仲要係一致,同樣都係商代晚期。換言之,三星堆遺址就係距今約3200年至3000年,正式為過去三十年來關於「祭祀坑」埋藏年代解決爭議。
而呢次成果發布當中,仲表明三星堆遺址與國內其他地區存在密接文化聯繫,就好似3號坑、8號坑發現嘅銅尊、銅罍係同中原殷商文化有關;而3號坑、4號坑發現嘅玉琮就係出甘青地區齊家文化有關,真係相當犀利!
原圖嚟自網絡