尋日，唔少香港人同呢位陪伴咗大家46年嘅「老友」講再見，希望真係可以同「佢」可以响香港再一次相聚，佢就係珍寶海鮮舫。
响上世紀七十年開幕嘅珍寶海鮮舫，絕對係香港其中一個重要地標同旅遊景點，以往好多介紹香港嘅影片或宣傳品，都會有珍寶嘅出現。珍寶王國最輝煌時期，就係連同太白海鮮舫、海角皇宮三隻海鮮坊一齊停泊响深灣，由黃竹坑同香港仔專用碼頭載住食客到海鮮舫，對食客而言係絕對係有趣體驗。
尋日珍寶被拖出深灣時，唔少網民都影得珍寶離開嘅過程，大家都突然好唔捨得。據珍寶海鮮舫母公司「香港仔飲食集團」指出，海鮮舫將會離開香港進行維修，不過為免影響維修過程，就未有透露船塢位置，真係好希望呢告別只係暫別，因為珍寶真係好有特色嘅景點，但願疫情過後珍寶能重拾昔日輝煌。