萬眾矚目嘅香港故宮文化博物館將會喺7月2日正式向公眾開放，到時市民就可以喺多個展廳當中欣賞到近九百幾件由故宮博物院借出嘅珍貴文物。
亦都係因為呢次有唔少文物都係第一次喺香港展出，所以反應相當熱烈。門票喺日前就已經開始售賣，除咗「周三免費飛」全部被「掃清」之外，首三個周末嘅特別展覽門票亦都已經接近售罄，可想而知香港市民對呢場展覽係幾咁期待！
咁到底喺香港故宮館大家可以睇到咩呢？ 喺呢個佔地1.3萬平方米，樓高7層嘅建築物當中，一共就分為九個展龐，而當中就有五個展廳會介紹故宮博物院歷史與宮廷文化、兩個專題展廳分別展示中國藝術收藏、以及由香港藝術家創作、而最後兩個展廳就係會展示故宮珍藏古代書畫同埋以馬為主題的藝術文物。
博物館首批展出900幾件文物唔少都係未對外展出過，各展覽館展出日期會由3個月至2年不等，大家想睇就真係要把握時間喇！
原圖嚟自網絡