尋日就同史友們講到香港故宮博物館即將就喺七月開館，而喺門票公開發售無耐，其實大部分週末嘅門票就已經賣晒咁濟，真係相當誇張！市民對於香港故宮博物館反應係相當期待，而近日香港郵政亦都有同「故宮」相關嘅新搞作，阿史就同大家介紹下啦！
香港郵政尋日就宣布，將會以「香港故宮文化博物館」為題推出特別郵票並且喺6月30日前發售。今次發行嘅郵票一套六枚，設計上就係以「天圓地方」作為基本概念並且每枚郵票都會以幾何圖案展示藏品，當中就會有「清乾隆．白玉桐蔭仕女圖山子」、「元．剔紅水仙花紋盤」、「元．朱碧山款銀槎」、「唐．打馬球紋銅鏡」、「元．趙孟頫《人騎圖》卷」及「北宋．定窯白釉孩兒枕」等藏品展出。
而神奇嘅地方係，呢六枚郵票既可以分散嚟睇，又可以巧妙地組合成一個正方形；與此同時，香港郵政亦都有兩張小型張分別展示「清．金胎畫琺瑯杯盤」及「明嘉靖．五彩魚藻圖蓋罐」發售，有興趣嘅史友真係要密切留意！
原圖嚟自網絡