早排就同史友們講到三星堆經過多年嘅考古發掘以及數千件文物進行碳十四測年之後，就正式確認為商代晚期嘅遺址。雖然呢個重大爭議終於解決，但其實三星埋仲有唔少未解之謎、仲有好多新嘅發現，阿史今次就同大家講一講啦！
近日三星堆遺址祭祀區考古又有新發現，喺完成K3、K4、K5、K6祭祀坑嘅發掘之後，K7、K8就展開文物提取嘅階段。據了解，K7、K8祭祀坑當中，考古人員就唔單止發現到龜背形網格狀器、金面罩銅頭像，仲有極為罕見嘅銅神壇、頂尊蛇身銅人像、銅龍等重要文物。呢啲文物唔單止體量大，而且仲要好多之前都未被發現過。
考古團隊就相信，祭祀區內分佈嘅商代遺存唔單止同祭祀活動有關，甚至本身可能仲係大型建築嘅一部分，相信陸續仲會有更多新奇嘅發現咁話！
原圖嚟自網絡