世界上唔同國家、地區都有代表自己嘅旗幟，香港都唔例外，有一面以白色紫荊花圖案代表嘅香港區旗。之不過，唔知史友們又有冇諗過，點解香港係會以呢種植物作為代表呢？今次阿史就同大家講一講啦！
喺1990年4月4日，中華人民共和國第七屆全國人民代表大會第三次會議就通過以一個五瓣花蕊白色紫荊花圖案，底色為紅色嘅設計作為香港特區區旗，並且喺國務院第58次常務會議又通過正確使用該旗幟嘅法律規範。咁到底設計者點解會將「紫荊花」用嚟代表香港呢？
其實呢面區旗嘅設計係體現咗文化、地區以及政治意義，紅色往往就係中華民族喜慶嘅顏色，用喺旗幟設計上就係用嚟表達慶祝嘅意思，亦都係同國旗旗顏色一樣，寓意香港重回祖國懷抱。至於區旗中間以白色設計，就係代表「一國兩制」嘅政治原則適用於香港，咁搵咩圖案嚟代表呢？就係紫荊花喇！而區旗五個花瓣，又咁岩可以聯繫到中國共產黨以及四大階級。
睇落簡簡單單一面旗，原來背後係有咁多意思，真係難得！
原圖嚟自網絡