响上世紀八十年代期間，有一個詞彙响談及香港前途問題時經常會出現，就係「繁榮穩定」。
响上世紀八十年代初，香港前途問題困擾整個香港社會，甚至出現好多不盡不實嘅講法，例如話中國會收返界限街以北地區，九龍半島界限街以南同港島就繼續為英國管治，搞到有段時間新界樓價跌得幾勁；仲有傳聞話中國會收回香港响香港實行社會主義制度。呢啲講法導致香港出現信心危機，繁榮嘅東方之珠都好似黯然失色。
不過，响中英兩國達成香港1997年回歸呢個協定前後，中國國家領導人就先後多次表示國家恢復行使香港主權前後，會保證香港繼續繁榮同穩定。好似鄧小平响1983年會見港澳同胞國慶觀禮團時就講過：「你們這麼多人回來觀禮，我非常高興，我看香港一定有希望。這次回來觀禮的，各行各業各界人士都有，各種不同政治觀點的人也都來了。這說明大家都贊成中國恢復對香港行使主權，贊成中英兩國政府所達成的協議的內容。這就是說，我們有了一個共同的大前提，一個共同的目標，就是愛祖國，愛香港，在今後十三年和十三年以後保持香港的繁榮和穩定。」鄧小平嘅一句「保持香港的繁榮和穩定」，就成為咗祖國對香港社會繼續保持繁華嘅承諾。
原圖嚟自網絡