早排阿史就同史友們介紹咗唔少關於楊家將嘅歷史故事，而喺楊家將當中其實係有一位傳奇中嘅傳奇，佢並唔係排行第六，但就被敵人稱為「六郎」，甚至仲認為佢係星宿下凡。到底當中有咩原因呢？今次阿史就同大家講一講啦！
阿史今次要講嘅呢位人物其實就係北宋抗遼名將楊業嘅長子楊延昭，喺《宋史》所載，佢其實就係自小沉默寡言，但就經常玩一啲行軍列陣嘅遊戲，仲令到父親楊業直言「此兒像我」，所以每次出征都會帶埋佢一齊去。
到楊延昭長大之後，佢就跟隨父親楊業四處征戰，戰線遍佈雁門關全線。喺宋太宗雍熙三年，當時28歲嘅楊延昭攻打應、朔等地並擔任先鋒，成功收復唔少城池、奪取朔州，後來更加喺遂城之戰「冰守遂城」再同支援部隊夾擊遼軍。經過呢場戰役，遼國慘敗之餘亦都令到楊延昭威震邊關，及後佢仍然喺「羊山之伏」作出重大貢獻。
由於楊延昭「智勇善戰」，威震遼國，當時遼國人竟認為佢係六郎星宿將星下凡，所以就稱佢為「楊六郎」喇！
原圖嚟自網絡