1972年6月18日，即係50年前嘅今日，連場暴雨導致港島出現造成六十幾人死亡嘅意外。
响當日夜晚，港島半山寶珊道出現山泥傾瀉，大量山泥從寶珊道沖到旭龢道，山泥先沖毀寶珊道一座兩層高嘅洋房，之後順勢沖塌干德道一座六層高樓宇，樓宇瓦礫、山泥連雨水一齊衝向樓高12層嘅旭龢大廈，大廈受唔住衝擊而折斷同倒塌，當時好多旭龢大廈嘅住客嚟唔切逃生。之後更波及座落响山坡下嘅景翠園，大廈最高四層被撞毀同削走，而呢次山泥傾瀉意外造成咗67人死亡。
原圖嚟自網絡