以往阿史就同史友們介紹過古今中外唔少嘅古墓，為咗防止唔同時代嘅盜墓賊，古人都會諗盡方法，但仍然無法避免呢件事發生。之不過，近日以色列神秘多門古墓就有一塊血紅詛咒石碑，嚇到千幾年嚟都冇人敢打開，到底當中有咩原因呢？今次阿史就同大家講一講啦！
近排以色列考古學家就喺位於猶太教古墓「多門之家」（Beit She'arim）發現到一塊被詛咒嘅石碑。猶太教墓穴早喺2015年就被聯合國教科文組織（UNESCO）列為世界文化遺產，猶太教墓穴本身亦都結構特殊，由一座座石穴連接而成，所以要進行發掘研究都真係唔容易。
而呢次考古學家發現石碑嘅位置其實就係位於最內部嘅石穴口，亦都係首次喺多門之家搵到遺骸嘅位置。而喺當中，考古團隊就搵到有血紅色字跡寫住「亞科夫哈格（Yaakov Ha'Ger）誓言必詛咒任何打開這座墳墓的人，因此無人會打開此墓」就係憑住呢段1800年前嘅文字，墳墓亦都得以保存。目前，考古學家已將墓穴封鎖並且將石碑帶回保存及研究。
原圖嚟自網絡