早排阿史就同史友們講到,點解一啲囚犯被判流放之後,多數都唔敢逃走,而今次繼續同大家分享一啲類似嘅謎思,就係點解古代犯人被斬頭之時,多數都會好配合咁乖乖跪低?
其實喺人喺面臨死亡之時,多數都會覺得恐懼並且會想嘗試反抗,但喺古代犯人被軟頭之時,點解又會一反常態呢?喺古代處死嘅方法有唔少,當中最為恐怖嘅當然就係凌遲,而相對痛快嘅就有問斬!由決定問斬再去到行刑,無論係冤案又好定還是罪有應得,呢啲囚犯都已經經過漫長嘅等待去到秋後先至行刑,所以部分人其實都已經會有心理準備。
而且,囚犯喺被斬之時會乖乖地跪低,亦係同古代嘅跪禮相關。喺接受刑罰之時需要下跪已經成為唔少人身體嘅本能反應;喺面對必死嘅刑罰之下,跪低受刑反而可以減輕到痛苦,咁所以喺呢啲時候反抗反而有害無利!
原圖嚟自網絡