去到每一個唔同嘅地方、入到當地博物館欣賞文物似乎係每一個鍾意歷史文嘅人必做嘅事。但大家又有冇諗過，原來呢件事原來仲可以通過「雲逛」去實現？
由於疫情關係，大家正常嚟講都有兩三年時間冇欣賞到其他地方博物館嘅展品，眼見呢啲情況，內地就有位考古學專業嘅女博士學以致用，以生動有趣嘅方式為觀眾喺網上介紹文物！呢位叫做水星嘅女仔其實就係浙江大學考古學嘅博士生，佢就喺各大影音平台都相繼發佈影片，通過影片就帶領觀眾「雲逛」、探古墓、走盜洞，一年之間就累積到過百萬粉絲。
提到佢所拍嘅精心內容，佢就曾經試過三訪越國王陵印山大墓、介紹博物館唐古琴真正擺放方法以及各種地方歷史、人文知識等等。期間佢仲會不斷翻查文獻資料、編寫文案以確保內容無誤，最終以故事形式表現令到觀眾身臨其境，真係有心思！
原圖嚟自網絡