提起紀曉嵐呢位清朝才子,學富五車、才高八斗似乎都可以用嚟形容佢。史友們除咗會諗起之前阿史介紹過嘅「無字聖旨」故事之後,其實仲有另外一個故事可以展現到到底當時呢位才子嘅實力去到邊度!
呢個故事就係發生喺一次紀曉嵐伴駕乾隆去到泰山遊玩之時,泰山喺歷代帝王心目中都有特殊嘅神聖意義,所以乾隆皇帝在位六十余載都多次嚟到泰山,並且每次都會即興吟詩作對。
乾隆二十七年,喺紀曉嵐等大臣陪同下,乾隆皇帝又一次蒞臨泰山。乾隆一邊遊玩,就一邊想考考身邊嘅紀曉嵐,喺佢哋去到泰山最為幽靜嘅鬥母宮之時,向來鍾意賣弄文采嘅乾隆就先嚟一句「鐘聲磬聲鼓聲,聲聲自在;山色水色物色,色色皆空」
而當乾隆寫完之後,紀曉嵐就因為得知鬥母宮內尼姑生活並唔檢點,於是就有心諷刺佢哋咁話:「一筆直通 兩扇敞開」。在場唔少尼姑都即時大鬧紀曉嵐下流,而乾隆就深知紀曉嵐用意,隨時就叫佢講埋下半,結果紀曉嵐再次揮筆,寫出:「一筆直通西天路 兩扇敞開大千門」。只係簡簡單單各自加咗三隻字,就令原本鬧人嘅說話昇華到適合佛門清靜地所用。方才斥責紀曉嵐嘅尼姑,亦都隨即向佢道歉,才子就真係才子啊!
原圖嚟自網絡