位於西九龍文化區嘅香港故宮文化博物館將於七月開幕，不過呢個館好似未開幕已經引起好多人嘅關注，因為好多北京故宮嘅奇珍異寶都會响呢個地方出現，令人「真的超興奮」。
阿史睇咗一啲展品簡介，其中一款乾隆款攪玻璃撇口瓶令阿史感到相當興趣。因為呢個瓶個設計就同其他展品好唔同，紅白藍三色好有外國風格，不過呢個珍寶就唔係來佬貨，而係中國本土貨。攪玻璃工藝係乾隆時期，呢門工藝類似於擰絲，過程比較複雜，响當時工藝技術而言係一種新嘅玻璃裝飾工藝。而呢件珍寶刻款方式又比較特殊，呈單字分別處於四個方向，顏色相間規律為白、紅、白、藍。就係因為咁特別，先會成為故宮珍藏。
原圖：dpm.org.cn