香港故宮文化博物館即將就喺七月初開幕，到時熱愛行博物館嘅市民又會多一個繼續流連嘅地方。而講到香港故宮文化博物館嘅焦點，自然就係當中嘅九百件幾文物，當中唔少唔單止係一級文物，甚至仲係未曾對外展出過，可想而言故宮博物院方面係幾咁重視呢個項目。
之不過，問題嚟喇！既然有咁多珍貴嘅文物，到底佢哋「出宮」赴港之旅會面對咩難題呢？雖然大家近排成日都聽到九百多件珍貴文物「出宮」赴港，但其實呢件事並唔係近排先發生，而係早喺2018年開始故宮博物院已已經格挑選可以「出宮」赴港嘅文物，甚至仲派出咗過百位故宮博物院專業人員參與其中，由選擇、評估、包裝、運輸都一一進行評估。所以，送得嚟香港故宮文化博物館嘅，自然就係珍品之中嘅珍品！講到呢度，阿史就真係希望到時可以親眼睇睇呢啲文物啊！
原圖嚟自網絡