繼續同史友們介紹世上嘅考古新發現,喺古羅古帝國全盛嘅時期,國土嘅面積由歐陸疆界去到萊茵河,甚至仲喺今時今日盧森堡、荷蘭南部設立過行省。咁到底當年嘅呢個行省又有冇咩遺址淨低呢?阿史今次就同大家講一講啦!

近日就有考古學家喺荷蘭海爾德蘭省搵到一座遺址,經過發掘同埋研究之下,就發現呢個遺址竟然就係古羅馬聖殿。據考古團隊表示,聖殿遺址仲有一座相當完整、有齊浮雕、彩繪石膏遺跡、祭壇等等嘅羅馬神廟,反映呢個聖殿係被長時間使用過。

而呢個遺址仲同聯合國教科文組織世界遺產羅馬石灰牆「下日耳曼界牆」附近極為相近,羅馬石灰牆「下日耳曼界牆」其實就係公元2世紀果陣羅馬帝國國土嘅範圍,而呢次係荷蘭境內第一次發現咁完整嘅古羅馬建築群,對研究羅馬石灰牆「下日耳曼界牆」有重大嘅幫助!

原圖嚟自網絡